PERICLES  
     
        

FICHE N°8

 

Deux chansons populaires
luxembourgeoises

Zu Arel op der Knippchen


 
  1. Zu Arel op der Knippchen, do sin déi Weiber frou,
    Si huele gär eng Schlippchen, eng drénkt där aner zou;
    Bereléng, léng direlire-léng, bere-léng, léng direlire-léng,
    eng drénkt där aner zou, eng drénkt där aner zou.

  2. Et souzen dräi Gefuedëschen am Wiirtshaus bis an d'Nuecht
    mat hirem Parlatintchen an dronk'n eng Mooss ër uecht,
    bereléng, léng, direlireléng, bereléng, léng, direlireléng,
    an dronk'n eng Mooss er uecht, an dronk'n eng Mooss er uecht.

  3. Déi eng hëlt hire Mantel a schläicht verbuergen heem.
    Si geet an d'Bett sech leën, klot iwwer Arm a Been.

  4. A wéi de Mann ereemkoum, freet hien: "Wou as mäi Wäib?"
    "Si läit am Bett douewen, huet wéi an enger Träip."

  5. De Mann, dee rennt op d'Kuemer, setzt sech bei d'Bett op d'Bank.
    “O du méng arem Frächen, wat felt der, bas de krank?"

  6. "Ech hun deréinscht ganz warem vum kale Bur gedronk.
    Hätt ech eng Schlippchen Alen, wär ech erëm um Spronk!"

  7. Gläich as de Mann bekëmmert. "Hei Mod, schwenk du e Glas!
    An huel déi zënne Kännchen an zap vum beschte Faass!"

  8. "Setz alles bei dat Feier a maach et gliddeg heess!
    Dong Zocker dran a Geimer, da kënnt se an de Schweess!"

  9. Wéi si de Wäin gedronken, dréit si sech ëm a laacht:
    “Esou kann een déi Männer beduxen, datt et kraacht!"

  10. Hien hätt dat solle wëssen, hien hätt geholl e Schäit,
    fir d'Rëpper hir ze schmieren, et wor déi héchsten Zäit,
    bereléng, léng, direlireléng, bereléng, léng, direlireléng,
    et wor déi héchsten Zäit, et wor déi héchsten Zäit!

Den Éim Steffen

 
  1.        "Éim Steffen, wat heescht der fir är Spéin?"
            " Zéng Su fir de Pak, dat as näischt zevill!"
            Riddi ralla lalla la, riddi ralla lalla la,
            Zéng Su fir de Pak, dat as näischt zevill!

  2.       "Éim Steffen, dir sid ons en deire Mann,
            mir loossen iech nët zu der Neipaart eran!"

  3.       "A loosst dir méch nët zu der Neipaart eran,
            da klammen ech alt iwwer de Rampart eran!"

  4.       Dem Éim Steffen séng Fra kacht Huewerbräi,
           a véierzéng Kanner, déi stin derbäi.

  5.       "So, Steffen, wéi hues de déng Spéin verkaaft?
           All Biirger, déi koume jo drop lassgelaaft!"

  6.       Hei hun ech se nach alleguer beieneen,
           zéng Su fir de Pak, mee dat gët jo keen!"

  7.       Op déi Ried gouf de Steffen al erdappt
            an e krut och de Bockel gutt ausgeklappt,
            riddi ralla lalla la, riddi ralla lalla la,
            an e krut och de Bockel gutt ausgeklappt.